Оюу толгой ХХК өнөөдөр 1400 гаруй компани, аж ахуйн нэгж, хувь хүмүүсээс бараа бүтээгдэхүүн, ажил үйлчилгээ авч байгаа бөгөөд өнөөдрийн байдлаар Монголын томоохон ажил олгогч, бараа бүтээгдэхүүн, үйлчилгээ худалдан авагч болоод байна.

Та бид бүгд XXI зууны Монголын бүтээн байгуулалт, хамгийн том төсөлд хувь нэмрээ оруулж Оюу толгой төслийг хэрэгжүүлэхээр хамтдаа ажиллаж байна. Энэ төсөлд олон хүн гар биеэ оролцож байгаа төдийгүй олон айл өрх, цаашилбал нутаг орон, тодорхой салбаруудад ихээхэн дэвшил гарч, Монгол улсын эдийн засагт үр ашгаа өгч эхэлж байгаа билээ.

Оюу толгой ХХК Монгол улсын Засгийн газрын Хэрэг эрхлэх газар, ЭБЭХЯ, Үндэсний хөгжил шинэтгэлийн хороотой хамтранханган нийлүүлэгч, гэрээт компаниудыг олонд таниулах, сурталчлах зорилгоор “Ханган нийлүүлэгч, гэрээт компаниуд: хөдөлмөр эрхлэлт” нээлттэй үзэсгэлэнг зохион байгуулахаар боллоо. Ингэснээр тус өдөрлөгт оролцож буй ханган нийлүүлэгчид  явуулж буй үйл ажиллагаа, Монголын эдийн засагт оруулж буй өөрийн хувь нэмэр, Монголын ажиллах хүчнийг сургаж, ажлын байраар хангаж байгаа талаарх мэдээллээ олон нийттэй хуваалцах боломж бүрдэж байна.

Өдөрлөг нь 2010 оны 03-р сарын 13-ны өдөр Мишээл Экспо төвд 10.00-18.00 цагт болно.