“Шивээ-Овоо”-гийн нүүрсний уурхай 20 нас хүрлээ. “Шивээ-Овоо”-гоор овоглосон үе үеийн уурхайчид, тэдний гэр бүл, үр хүүхдүүд, ажил мэргэжил нэгт уул уурхайн салбарын хамт олон, бидэнд сэтгэлийн дэм өгч хамтран ажилладаг түнш байгууллага, хувь хүмүүс та бүхэндээ эрч хүч нь оргилсон идэр залуу уурхайнхаа ойн баярын цогтой халуун мэнд дэвшүүлж, энх амрын бэлэгдэл цэнхэр хадаг дэлгэн баръя.

Шивээ нутгийн амгалан талыг сэрээж, хөрст газрын гүнээс хар алт олборлон, эх орныхоо гал бадраалцсан 20 жилд улс орон, ард түмнийхээ өмнө хүлээсэн үүргээ нэр төртэй биелүүлж ирснээрээ бид бахархаж байна. Өнгөрсөн хугацаанд уурхайчин хамт олон уурхайг шинээр барьж байгуулах, техник, технологийг шинэчлэх төсөл хэрэгжүүлэх, машин тоног төхөөрөмжийн ашиглалтыг сайжруулж, хөдөлмөрийн бүтээмжийг дээшлүүлэх, үйлдвэрлэлийн өртөг, зардлыг бууруулах, уурхайчдын нийгмийн асуудлыг шийдвэрлэх талаар уйгагүй ажилласны үр дүнл өнөөдөр манай уурхай Монгол улсын уул уурхайн сапбарын тэртүүлэх үйлдвэрүүдийн нэг болоод байна.

Уурхайчид өмнөө тулгарсан ямарч бэрхшээлийг ган мэт зориг, тэвчээр, арга ухаан, хөдөлмөрч чанараараа ялан дийлж ямагт амжилтын төлөө урагшилж явдагт нь баярлахгүй байхын аргагүй. Эх орныхоо галыг бадраалцаж явахаас илүү эрхэм зорилго, эрхэм дээд хүсэл эрмэлзлэл бидэнд байхгүй.

“Шивээ-Овоо”-гийн уурхайн ирээдүй гэгээтэй харагдана. Эх орны эрчим хүчний тав дахь эх үүсвэрийг түлшээр хангах ариун бөгөөд нэр төртэй үүрэг бидэнд оногдож байна. Бид хийснээрээ бахархаж, хийхээ төлөвлөж амжилтад хүрэх зорилт дэвшүүлээд ажиллаж байна.

Эх орны гал мөнхөд бадарч, эрэлхэг уурхайчдын яруу алдар галын дөл адил ямагт дээшээ байх болтугай.