Энэ баасан гарагт буюу есдүгээр сарын гуравны өдөр Монгол, Герман, Америкийн хамтарсан хөрөнгө оруулалттай Монголиан Стар Мелшерс компанийн шинэ байрны нээлт болох гэж байна. МСМ компани нь анх 1998 онд үүсгэн байгуулагдаж байсан бөгөөд өдгөө Барилга уул уурхайн тоног төхөөрөмж, багаж хэрэгсэл, Автомашины худалдаа, засвар үйлчилгээ болон Борлуулалт, түгээлтийн салбар гэсэн үндсэн хоёр чиглэлтэйгээр үйл ажиллагаагаа явуулж байна. Дэлхийд нэртэй, дээд зэрэглэлийн брэнд бараа бүтээгдэхүүнийг Монголын зах зээлд нийлүүлдэг тус компани нь шинэ байрныхаа нээлтийн үйл ажиллагааг ёслол төгөлдөр хийх гэж байгаа бөгөөд нээлтийн арга хэмжээ МСМ компанийн шинэ байранд болох юм. Энэхүү үйл ажиллагаанд гадаад, дотоодын 500 гаруй зочид, төлөөлөгчид уригджээ. Тус арга хэмжээний үеэр өвөрмөц, дахин давтагдашгүй тоглолтыг толилуулах юм байна.