Төмрийн хүдрийн “акулууд” болох “Rio Tinto” болон “ВНР Billiton” энэ оны дөрөвдүгээр улиралд Хятадын компаниудад бүтээгдэхүүнээ 11 хувиар хямдруулж өгөх магадлалтайг “Bloomberg” мэдээлэв.

Металлургийн гол түүхий эд болох төмрийн хүдрийн үнэ ийнхүү хямдарснаар урд хөршийн үйлдвэрлэгчид ирэх улирлын гэрээгээ элдэв маргаан, гомдолгүйгээр хийх боломжтой болох аж.

Эдүгээ 145.3 доллараар зарж байгаа нэг тонн төмрийн хүдрээ “Rio Tinto” болон “ВНР Billiton” ирэх аравдугаар сарын 1-нээс 129 доллараар бодож өгөх төлөвтэй. Харин Бразилийн “Vale” бүтээгдэхүүнийхээ үнийг өмнөх улирлаас найман хувиар хямдруулж, тонн нь 133 доллар байхаар тооцоолсон тухай www.mc.ru цахим хуудсанд мэдээлжээ.

Дэлхийн төмрийн хүдрийн зах зээлийн 75 хувийг эзэгнэдэг “Rio Tinto”, “ВНР Billiton”, “Vale” гурав энэ оноос бүтээгдэхүүнийхээ үнийг улирал тутам шинэчлэн тогтоодог болсон. Ингэснээр төмрийн хүдрийн үнэ огцом өсөж, Хятадын үйлдвэрлэгчид нэлээд маргаан дэгдээсэн билээ. Дээрх гурван компани өнгөрсөн 40 жилийн турш жилдээ ганц удаа худалдан авагчидтайгаа гэрээ хийж, үнэ тогтоож байсан юм.

Өнөөдөр