Тана гэдэг нь сувдны хясааг өнгөлж гоёл чимэглэлийн зориулалтаар бэлтгэснийг хэлдэг. Энэ чулууг монголчууд есөн эрдэнийн нэг гэдэг. Эмэгтэйчүүдийн гоёл чимэглэл болон ноёд язгууртнуудын хэргэм зэргийг илтгэсэн хувцасны тэмдэг болгон ашигладаг байжээ. Ойрхи Дорнодын орнууд, Иран, Энэтхэг зэрэг газарт Исламын шашины сүм хийд, хаад ноёдын орд харш зэрэг байшин барилгын хана, хаалганд шигтгэн чимэглэл болгон ашигладаг.

Эдүгээ ч таныг гоёл чимэглэлд шигтгээ болгон өргөнөөр ашигласаар байна. Тана, сувд, хув, шүр, ясан эдлэл эмзэг мэдрэмтгий байдаг. Энэ нь байгалийн гаралтай материалууд зөөлөн, хэврэг, сийрэг бүтэцтэй байдагтай холбоотой. Угааж, цэвэрлэх үед хүчил, шүлт болон шүвтэрийн уусмал хэрэглэх шаардлагатай байдаг. Ийм эдлэлийг дурын угаагч бодисоор цэвэрлэхийг хориглодог. Хув эдлэлийн хувьд шүдний оо хамгийн тохиромжтой. Бүлээн ус, зөөлөн алчуур, эсвэл багсаар дээрх эдлэлийг цэвэрлэж болно. Найрлагадаа мөнгөн ус, хүхэр агуулсан гоо сайхны бүтээгдэхүүн (тос, цэвэрлэгч шингэн г.м.) дээрх эдлэлд маш хортой нөлөө үзүүлдэг. Ялангуяа сувд, танан эдлэл чичиргээ, доргионд мэдрэмтгий байдаг тул үүнээс аль болох зайлсхийх хэрэгтэй. “Тана”-ыг сувдны ээж чулуу гэдэг. Нас уртасгаж нүдэнд цог жавхаа өгдөг. Бүх ордныхон зүүж болох бөгөөд хүний арьсны өнгөтэй гойд зохицодог ажээ.