Тогтвортой хөгжлийн төлөөх Хариуцлагатай Уул Уурхайн Санаачлага ТББ Австралийн Квийнсландын Их сургуулийн дэргэдэх Уул уурхайн нийгмийн хариуцлагын төвтэй хамтран өнгөрсөн сарын 23-25, 30-1-нд PUMA-IMPERIAL зочид буудалд сургалт зохион байгуулжээ. Сургалтад Өмнөговь аймгийн Иргэний нийгмийн байгууллагуудын төлөөлөл оролцож, орон нутаг, нутгийн иргэдтэй үр дүнтэй хамтран ажиллах талаар лекц сонссон байна.
Манай улсад орон нутаг, нутгийн иргэд болон уул уурхайн компаниудийн дунд үл ойлголцол, зөрчилдөөн байнга гардаг. Тиймээс сургалтад оролцогчид уул уурхайн компаниуд орон нутаг, нутгийн иргэдтэй харилцах арга барил, компанийн орон нутаг, нутгийн иргэдийн өмнө хүлээх нийгмийн хариуцлагын чиглэлээр төрөл бүрийн мэдлэг, мэдээлэл, олон улсын шилдэг туршлага, судалгаа, мэдээллийг авсан байна.
Сургалтыг Австралийн Квийнсландын их сургуулийн УУНХТ-ийн дээрх чиглэлээр хорь гаруй жил ажилласан туршлагатай зөвлөх, багш нар удирдан явуулжээ.
Улс төрийн тойм
2010/09/03